ସରକାରୀ ଚାକିରି ପାଇଁ ପ୍ରସ୍ତୁତି କରୁଥିବା ଲକ୍ଷ ଲକ୍ଷ ଆଶାୟୀଙ୍କ ପାଇଁ ଆସିଛି ବଡ଼ ଅପଡେଟ୍। ଭାରତୀୟ ରିଜର୍ଭ ବ୍ୟାଙ୍କ ବା RBI ୨୦୨୭ ମସିହାରେ ହେବାକୁ ଥିବା କ୍ଲାସ୍-I ଅଫିସର ପଦବୀ ନିଯୁକ୍ତି ପାଇଁ ବାର୍ଷିକ କ୍ୟାଲେଣ୍ଡର ପ୍ରକାଶ କରିଛି। ଅକ୍ଟୋବର ୨୨ ତାରିଖରେ ଜାରି ଏହି କ୍ୟାଲେଣ୍ଡରରେ ଗ୍ରେଡ୍ A ଓ ଗ୍ରେଡ୍ B ଅଫିସରଙ୍କ ସହ ମ୍ୟାନେଜର, ଲିଗାଲ୍ ଅଫିସର ଏବଂ ଆସିଷ୍ଟାଣ୍ଟ ମ୍ୟାନେଜର ଭଳି ବିଭିନ୍ନ ପଦବୀର ନିଯୁକ୍ତି ପ୍ରକ୍ରିୟା ସମ୍ପର୍କରେ ସୂଚନା ଦିଆଯାଇଛି।
କେଉଁ ପଦବୀ ପାଇଁ କେବେ ହେବ ପରୀକ୍ଷା ?
ଗ୍ରେଡ୍ B (DR) ଅଫିସର: ଫେବୃଆରୀ ୨୦୨୭ରେ ବିଜ୍ଞପ୍ତି, ଏପ୍ରିଲରେ ପ୍ରଥମ ପର୍ଯ୍ୟାୟ ଓ ମେ'/ଜୁନରେ ଦ୍ୱିତୀୟ ପର୍ଯ୍ୟାୟ ପରୀକ୍ଷା।
ଗ୍ରେଡ୍ A (DR) ଅଫିସର: ଜୁଲାଇ ୨୦୨୭ରେ ବିଜ୍ଞପ୍ତି ଓ ସେପ୍ଟେମ୍ବରରେ ପରୀକ୍ଷା।
ମ୍ୟାନେଜର (ଟେକ୍ନିକାଲ୍): ଫେବୃଆରୀରେ ବିଜ୍ଞପ୍ତି ଓ ମାର୍ଚ୍ଚ/ଏପ୍ରିଲରେ ପରୀକ୍ଷା।
ଲିଗାଲ୍ ଅଫିସର: ଫେବୃଆରୀରେ ବିଜ୍ଞପ୍ତି ଓ ମାର୍ଚ୍ଚ/ଏପ୍ରିଲରେ ପରୀକ୍ଷା।
ଆସିଷ୍ଟାଣ୍ଟ ମ୍ୟାନେଜର: ଫେବୃଆରୀରେ ବିଜ୍ଞପ୍ତି ଓ ମାର୍ଚ୍ଚ/ଏପ୍ରିଲରେ ପରୀକ୍ଷା।RBI ପକ୍ଷରୁ ସ୍ପଷ୍ଟ କରାଯାଇଛି ଯେ ଏହା ଏକ ସମ୍ଭାବ୍ୟ ନିଯୁକ୍ତି କ୍ୟାଲେଣ୍ଡର। ପରିସ୍ଥିତି ଅନୁସାରେ ବିଜ୍ଞପ୍ତି ପ୍ରକାଶ ଓ ପରୀକ୍ଷା ସମୟରେ ପରିବର୍ତ୍ତନ ହୋଇପାରେ।
RBIରେ ଚାକିରି କରିବାକୁ ଆଗ୍ରହୀ ପ୍ରାର୍ଥୀମାନେ ନିୟମିତ ଭାବେ ରିଜର୍ଭ ବ୍ୟାଙ୍କର ଅଫିସିଆଲ୍ ୱେବ୍ସାଇଟ୍ www.rbi.org.in ଏବଂ ଏହାର ନିଯୁକ୍ତି ପୋର୍ଟାଲ୍ opportunities.rbi.org.in ଯାଞ୍ଚ କରିବା ଉଚିତ୍।
