ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟର ଦୁଇ ଅଧ୍ୟାପକଙ୍କ ଫ୍ୟାକଲ୍ଟି ମେଣ୍ଟର ଡେଭଲପମେଣ୍ଟ ପ୍ରୋଗ୍ରାମରେ ଯୋଗଦାନ/ ଏଫ୍ଏମ୍ଡିପି ପ୍ରଶିକ୍ଷଣରେ ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟର ଦୁଇ ଅଧ୍ୟାପକ
ପୁରୀ: ଉଚ୍ଚଶିକ୍ଷା ବିଭାଗ, ଓଡ଼ିଶା ସରକାରଙ୍କ ପକ୍ଷରୁ ଉଦ୍ୟମିତା, ନବସୃଜନ ଏବଂ ଷ୍ଟାର୍ଟଅପ୍ ସଂସ୍କୃତିକୁ ଉଚ୍ଚଶିକ୍ଷାନୁଷ୍ଠାନ ସ୍ତରରେ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଆୟୋଜିତ Residential Faculty Mentor Development Programme (FMDP)ରେ ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟର ଦୁଇଜଣ ଅଧ୍ୟାପକ ସଫଳତାର ସହ ଯୋଗଦାନ କରିଛନ୍ତି।
ବିଶ୍ୱବିଦ୍ୟାଳୟର ନ୍ୟାୟ ବିଭାଗର ସହଯୋଗୀ ପ୍ରଫେସର ତଥା ବିଭାଗୀୟ ମୁଖ୍ୟ ଡ. ଜି. ଜୟମାଣିକ୍ୟ ଶାସ୍ତ୍ରୀ ଏବଂ ଅଦ୍ୱୈତ ବେଦାନ୍ତ ବିଭାଗର ସହକାରୀ ପ୍ରଫେସର ଡ. ରାଧାକାନ୍ତ ପଣ୍ଡା ଏହି ଆବାସିକ ପ୍ରଶିକ୍ଷଣ କାର୍ଯ୍ୟକ୍ରମରେ ବିଶ୍ୱବିଦ୍ୟାଳୟ ପକ୍ଷରୁ ପ୍ରତିନିଧିତ୍ୱ କରିଥିଲେ।
ଏହି ପ୍ରଶିକ୍ଷଣ କାର୍ଯ୍ୟକ୍ରମ Entrepreneurship Development Institute of India (EDII), Ahmedabadଠାରେ ୨୧ ସେପ୍ଟେମ୍ବରରୁ ୨୬ ସେପ୍ଟେମ୍ବର ୨୦୨୬ ପର୍ଯ୍ୟନ୍ତ ଆୟୋଜିତ ହୋଇଥିଲା। କାର୍ଯ୍ୟକ୍ରମରେ ଉଦ୍ୟମିତା ବିକାଶ, ନବସୃଜନ, ଷ୍ଟାର୍ଟଅପ୍ ପରିବେଶ, ବ୍ୟବସାୟିକ ଚିନ୍ତାଧାରା, ଉଦ୍ୟୋଗ ସୃଷ୍ଟି, ଛାତ୍ରଛାତ୍ରୀଙ୍କ ମଧ୍ୟରେ ଉଦ୍ୟମୀ ମନୋଭାବର ବିକାଶ ଏବଂ ନୂତନ ଉଦ୍ୟୋଗ ପାଇଁ ମେଣ୍ଟରିଂ ଆଦି ବିଭିନ୍ନ ବିଷୟରେ ପ୍ରଶିକ୍ଷଣ ଦିଆଯାଇଥିଲା।
ପ୍ରଶିକ୍ଷଣ ସମୟରେ ବିଶେଷଜ୍ଞମାନେ ଉଦ୍ୟମିତା ଶିକ୍ଷା, ବ୍ୟବସାୟିକ ଧାରଣା ଚିହ୍ନଟ, ବିଜନେସ୍ ପ୍ଲାନ୍ ପ୍ରସ୍ତୁତି, ଷ୍ଟାର୍ଟଅପ୍ ପାଇଁ ମେଣ୍ଟରିଂ, ଅର୍ଥ ସହାୟତା, ବଜାର ସଂଯୋଗ ଏବଂ ନୂତନ ଉଦ୍ୟୋଗ ସ୍ଥାପନ ସମ୍ପର୍କରେ ବ୍ୟବହାରିକ ଜ୍ଞାନ ପ୍ରଦାନ କରିଥିଲେ।
ପ୍ରଶିକ୍ଷଣ ସଫଳତାର ସହ ସମାପ୍ତ କରିବା ପରେ ଉଭୟ ଅଧ୍ୟାପକଙ୍କୁ Faculty Mentor Development Programme ସଫଳତାର ସହ ସମ୍ପୂର୍ଣ୍ଣ କରିଥିବାର ପ୍ରମାଣପତ୍ର ପ୍ରଦାନ କରାଯାଇଥିଲା।
ଏହି ପ୍ରଶିକ୍ଷଣରୁ ଅର୍ଜିତ ଜ୍ଞାନ ଓ ଅନୁଭବକୁ ଆଗାମୀ ଦିନରେ ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟର ଛାତ୍ରଛାତ୍ରୀଙ୍କ ମଧ୍ୟରେ ଉଦ୍ୟମିତା, ନବସୃଜନ ଓ ଷ୍ଟାର୍ଟଅପ୍ ସଂସ୍କୃତିର ବିକାଶ ପାଇଁ ପ୍ରୟୋଗ କରାଯିବ। ଏହା ସହିତ ଆଗ୍ରହୀ ଛାତ୍ରଛାତ୍ରୀଙ୍କୁ ନୂତନ ବ୍ୟବସାୟିକ ଚିନ୍ତାଧାରା, ଉଦ୍ୟୋଗ ସ୍ଥାପନ ଏବଂ ଆତ୍ମନିଯୁକ୍ତି ଦିଗରେ ଉପଯୁକ୍ତ ମାର୍ଗଦର୍ଶନ ଓ ମେଣ୍ଟରିଂ ପ୍ରଦାନ କରାଯିବ।
